2014年1月26日 星期日

把握青春、留住倩影

近排好流行去影樓影相,有D人就會覺得係浪費金錢,有D就會覺得值得,因為青春一去即逝,過去左就冇得追,其實我都好認同嫁!

近年人大左(好似講到自己好老添...其實我都係90後)就會發現想回望之前發生既事都只得記憶,但諗諗下自己終有一日都會忘記,而且只有腦海既記憶都唔可以日後同仔仔女女分享,其實真係好可惜。

好彩近年來科技越來越好,由我中學時代30萬像數手機相機,到依家平平凡凡都有500萬像至800萬像既仿DC手機(haha因為成日得同部普通DC差唔多像數,所以都會有時叫佢做仿DC手機),都令好多人同事可以好輕易就記錄低。而且有好多APP都可以幫我地執相,都令唔少人就算張相影得唔好,執一執就靚曬(我當然都係一樣好鍾意用手機影相,用APPS執下相LA!!!)

但奇怪既我都會有去影樓影相既時侯,因為可能以前工作需要啦!!!要有自己既portfolio standby...所以一兩年就會去影一兩輯相keep record同update個portfolio(都幾自豪第一次係影樓影自己第一輯相係得7-8歲咋)...每次上去影樓、studio我都會好興奮,可能因為自己好鍾意影相同俾人影啦(好自戀呀!!)。但最開心其實因為我知道我影左輯相,第日想回味以前年輕時既自己又多一個方法,而且又可以同親友一齊分享,個種分享既喜悅真係平日好少會得到嫁...

完結之前都想同大家分享下我自己影過相(當然自問自己唔係一個靚,唔靚都希望大家唔好見怪)