2015年3月8日 星期日

同白裡透紅亮麗肌膚Say Hello【Nuxe 花妍百合煥白晚霜】

小妹終於有機會試用到Nuxe嘅護膚產品啦!其實小妹之前買過佢地嘅蜂蜜溫和卸妝潔面凝膠,小妹已經覺得好正,卸妝卸得好好~


今次嘅Nuxe 花妍百合煥白晚霜,相信都唔會令小妹失望!



花妍百合煥白晚霜融合多種天然成份,針對肌膚剔透度的 3 大要素 – 淨白、亮澤和水潤。全部都係小妹最想令肌膚得到改善嫁!

 多得三重白色花卉與維他命 C 的高效美白作用,可以引發重激活美白機制
 ,令面上的黑斑明顯減少,達致淨白效果!

而由 oleo-eco 萃取技術所萃取的瓷玫瑰能有效改善肌膚光澤,加上櫻花成份則溫和地滋潤肌膚,令肌膚亮澤同時變得水潤。


仲有經實証嘅白羽扇豆萃取,可以於夜間促進肌膚細胞更新,有助促進表皮的蛋白質和脂質的合成,從而加強表皮屏障。


小妹好鍾意D產品未開之前係完全密封,因為好似會用得更安心!

嘩!一打開密封紙就傳出一陣陣清香撲鼻嘅花香啦!


香味令小妹咁搽已經暈得一陣陣,妨如係百花叢中,變得好有睡意添!


面霜質地好細滑呀!係面上推開時好似自己滑開一樣,好Easy就可以推開~

但感覺上有少少笠,可能因為係Night Cream關係加上有提升滋潤嘅葵花油成分,所以先會有少少笠但笠嘅情度係可以接受的!!!


小妹平日搽Cream時都會加上按摩及微力拉提,希望可以令面更V Shape!

用掌心係面上微微按壓配上掌心微溫,D CREAM就更快入到肌膚啦~~

大家一齊睇下效果啦!一面係搽上面霜,另一面係無搽面霜。


其實效果都算係明顯,面上膚色都提亮不少,明顯上比較有光澤飽滿D!而且有少少白裡透紅嘅Feel添!

可能因為試用時間未算好長,所以色斑上未見好明顯成效。

第二日起身時感覺肌膚都係好飽滿,依然Keep到有彈性,而笠嘅感覺完成無曬!Nice!
Nuxe 花妍百合煥白晚霜建議零售價HK$296就有50ml, 其實都幾抵WO!


如果想一試Nuxe 花妍百合煥白晚霜或其其他產品都可以到莎莎選購。


文章介紹為個人喜好及用後心得,不同人士各有喜好,體質亦各有不同~

是次產品由theZtyle.com提供,文中產品成分由品牌提供!



小妹仲有其他Blog同FB Page,歡迎大家去睇~

沒有留言:

張貼留言