小妹近日太忙啦！好多時都冇時間Enjoy Life, 但就算幾忙，小妹都會抽時間為生活帶一點甜
登登登登...就係去食甜品啦！今次小妹就去左旺角PHEROMONE Dessert一試佢哋嘅甜品啦！
餐牌面已經有好多林林總總甜品，小妹未食都已經流曬口水啦！
小妹用朋友就分別點咗3個不同甜品Type，分別係梳乎厘、棉花堡同火焰雪山～
Baileys酒香梳乎厘配雪糕，因為小妹朋友真係好鍾意飲酒！
梳乎厘送上時真係好漲卜卜呀！
梳乎厘入口濃濃酒香，一眾酒控應該會十分喜歡，梳乎厘鬆軟，入口即溶，只可惜小妹真係不太愛好酒，所以成個就由朋友完成！
而朱古力雪糕，朱古力味濃郁，雪糕亦算滑！
總括而言: 酒控不會失望，而雪糕亦能滿足口感！
下一道就是布朗尼棉花堡配雪糕...
WoW...好大個棉花糖呀！差不多大個小妹個頭呀！
望到入面有布朗尼蛋糕、杏仁、朱古力波波＆雪糕，今次仲係小妹最愛嘅薄荷雪糕～
一口食曬所有最滿足到味覺享受...布朗尼蛋糕有少少咬口，而朱古力十足！
薄荷雪糕比一般更濃薄荷，只可惜如果再有一點朱古力碎就更好！
朱古力波波十分脆，而炒香嘅杏仁不單脆口，更加係香味十足～
總括而言：一道就滿足要，軟、香、脆、滑...多個口感於一身，So nice!!
Last one就係芒果火焰雪山！
雖然上菜時無火焰，但小妹對佢嘅熱情都係無減退...
雪山頂有蝴蝶酥，再上芒果汁同朱古力，全部都係小妹最愛！
雪山入口溶化，再散出陣陣蛋白味，再配上芒果味沙冰底味清至濃～
文章介紹為個人喜好及用後心得，不同人士各有喜好～
沒有留言:
張貼留言