2015年9月2日 星期三

一試再試-諾亞半熟蛋糕專門店【焦糖雲尼拿布甸蛋糕】

小妹已經唔係第一次食諾亞半熟蛋糕專門店嘅Cake啦!上次食咗芒果溶心芝士蛋糕【重溫小妹的生日蛋糕@諾亞半熟蛋糕專門店】!今次一於試下第二樣啦!



入到去又見到花碌碌Menu,今次一於試下布甸蛋糕啦!布甸Mix蛋糕唔知好唔好食?!


返到去打開就見到說明,食蛋糕都可以講Step真係第一次呀!

雖然店員係包裝蛋糕時都有同小妹講過個Step,但以小妹金魚一樣嘅記性又點會記得,有見及此都係有個說明好D~


不能不提每個Cake買嘅時候都有幾份餐具同蛋糕刀,所以就算即興想買個Cake同三五知己去回憶下青春時係公園食蛋糕都無有怕!

好啦!一於Step By Step食蛋糕啦!


驟眼睇布甸蛋糕好似同平日食到嘅蛋白蛋糕冇咩分別~


打開後就用一隻6吋以上嘅碟蓋上面,然後反轉,再將膠盆拎起。然後撕走包裝紙~


小妹Miss咗拍片機會呀!因為當撕走包裝紙時,蛋糕面上的焦糖醬就好似瀑布一樣瀉下~

而布甸蛋糕的底層就將D焦糖吸入蛋糕內,所以唔會有好多焦糖醬留係碟上!


一切開見到上層厚厚焦糖布甸,下面就係蛋糕底沾滿焦糖醬~
未食就感覺到好味啦!


由於蛋糕底都厚身,所以蛋糕芯位置未有沾到焦糖醬~


入口布甸香滑,首先食到濃郁焦糖味,但又不會過份甜,然後再慢慢品嚐,就會食到又香又滑嘅蛋味~

而底層蛋糕就鬆軟有蛋香,而沾到焦糖醬的就會有少少「冧」身,因沾滿焦糖醬,所以焦糖味有點蓋了蛋糕味!喜歡焦糖味朋友一定要一試!


小妹媽媽食得好開心呀!


媽媽同小妹不消一會兒就清空了半個Cake,但因為焦糖醬所以都比較飽肚~


小妹又點可以錯過Selife依個Cake呢!

總捨而言,焦糖味濃,焦糖愛好者必試!如果不喜歡甜的可能不太合適~
蛋糕底很好,不硬,而且有蛋味!

小Tips:小妹就算15分鐘左右路程都加點冰,這樣焦糖醬就不會多稀~

想知多D關於諾亞半熟蛋糕專門店 可以Click入其Facebook -->  https://www.facebook.com/noahcastella/timeline

文章介紹為個人喜好及用後心得,不同人士各有喜好~

希望大家會鍾意小妹分享,小妹仲有其他Blog,FB PageIG,歡迎大家去睇~Blogspot | TheZtyle | Glamablog | BE | iTrial | F&B | Weshare | Elle | Pixnet | Openrice


沒有留言:

張貼留言