2015年9月29日 星期二

火鍋店嘆順德菜-一餐非火鍋之旅|正宗火鍋點心專門店

邊個話去火鍋店一定要食火鍋?!


小妹一反傳統就去咗屋企附近嘅正宗火鍋點心專門店食小菜晚飯啦!



門口介紹牌上除咗有火鍋之外,其實仲有順德河鮮、精美小菜添~


入到鋪頭,其實好大並且燈火通明,仲有兩張大圓枱適合大班人一齊小聚...


小菜餐牌上寫上正宗順德小菜...小妹見到不少都係順德招牌菜,包括蜆芥鯪魚球、紫薑欖角蒸魚啜魚...


一坐低就見到枱上有小食啦!

同一般餐廳唔同,佢哋係用炸物做小食,一問之下原來係大魚炸物,餐廳好善用食材,今客人可以食到非一般嘅小食,而且每日都會不同,好有心思呀!



本來以為凍了的炸物會好油膩,但入口真的一點油膩感覺都沒有。
小吃來說是非常特別~

小妹媽媽是酸梅湯迷,但小妹就算是嗜酸者,都很怕飲酸梅湯,但今次的酸梅可以令小妹一杯接一杯~

味道酸中帶甜,兩種味道各有特色,相互balance。吞下後口腔還剩有酸梅味!!!酷愛酸梅湯的朋友一定要一試~


小妹忍不住一杯接一杯了!


順德菜點可以缺少蜆芥鯪魚球呀?!


蜆芥醬足料,內有蠔仔肉,鹹中帶鮮,味道不錯~



鯪魚球外皮加上米粉來炸,炸得鬆脆可口。魚肉有彈牙口感,由於沒有加入麵粉所以沒有粉漿感覺~

魚肉不會入口有腥味,怕魚腥的朋友都可以一試~



用錫紙包住鋁盆,到底係咩東東?!



登登登登...污糟雞!!!

污糟雞其實唔係大家想像中嘅污糟wo!!!

其實係用雞件以金屬盆盛載著來蒸,可加快傳熱,並以錫紙密封盆口,令傳熱更均勻,兼鎖住雞味不流失。

店員一切開錫紙第一時間就係濃濃芫茜味撲襲...濃郁香氣已經食指大動啦!


入口雞件嫩滑,濃香雞味依然留於雞件內,一口接一口,小妹差不多自己吃完整盆雞呀!
伴菜如洋蔥、芹菜,入口時都有絲絲雞味~

差點忍不住多點一盆,如果喜歡食雞嘅朋友,真的要一試~
小妹第二次去食火鍋時都忍不住點了半隻呀!



最後點了啫啫芥蘭豬頸肉!

上枱馬上就傳來陣陣熱鍋味道,用砂鍋果然唔同D~




豬頸肉爽口而且入味,芥蘭不會太熟太老更加沒有苦味。味道濃淡得宜!

正宗火鍋點心專門店
地址:楊屋道69-71號地舖
訂座查詢電話:2944 9128

想知多D關於正宗火鍋點心專門店可以Click入其Facebook --> 
正宗火鍋點心專門店

文章介紹為個人喜好及用後心得,不同人士各有喜好~


BlogspotTheZtyleGlamablogElleUlifestyleBLBE| Weshare |iTrial |Pixnet |OpenriceYoutube