小妹向來都好喜歡食粉麵，不論米粉、通心粉還是麵，小妹通通都十分喜歡...正因如此，所以好朋友就特意帶小妹去試通心米粉，小妹都係第一次食咋，唔知會係點呢？！
當日朋友就帶小妹到觀塘阿桂老友粉一試佢哋出名嘅通心米粉，佢哋餐牌上更寫上炮製別出心裁的新口味，帶來與眾不同的新驚喜。
餐牌上有林林總總不同的食物可以選擇，小妹同朋友都睇到花多眼亂啦！
店內仲有小妹最愛的山渣飲品－山渣蘋果茶，小妹當然唔可以錯過啦～
山渣蘋果茶並不是一杯杯而係一枝枝都只係＄10，真係好抵。
味道濃淡適中，山渣味不會太酸，入口後還有淡淡蘋果味，小妹想一飲再飲呀！
這個惹味口水雞，雞肉面鋪上蔥花及脆口花生。
這個雞真係非常惹味，辣味非常足夠，喜歡辣的朋友一定喜歡，而雞肉亦算嫩滑。
鴛鴦餃子（各3隻），分別是白菜餃及韭菜餃，還可以選擇用湯上還是炸。
小妹同朋友就喜歡炸的。
皮炸得香脆可口，韭菜餃入口有濃香韭菜味，而白菜餃就淡味一點。
到主角啦！就係乾撈脆皮肉桂林通心米線，另外還附上豬骨湯。
小妹見每條米粉都是通心的，通心可以吸收湯及汁，令每條米線味道十足。入口彈牙，而且吸收湯汁後令原來淡味的米粉變得十分惹味。
而脆肉微微帶鹹，入口真係非常脆，一口咬到脆皮有卜卜聲的，小妹都忍不往一口接一口的吃。
而且價錢不太貴，小妹覺得幾抵食。
阿桂老友粉
地址: 觀塘康寧道64號地舖
沒有留言:
張貼留言