2016年5月5日 星期四

週末好去處-美食車嘉年華2016@PMQ

今個週末同屋企人去邊好呢?!小妹有好推介!一於去PMQ舉行緊嘅美食車嘉年華2016啦!


今屆美食車嘉年華由5月4日至5月8日假於中環鴨巴甸街PMQ舉行,除咗5月4號開放時間為下午6點外,其他幾日早上11點就已經可以入場!



步入PMQ已經見到一架又一架嘅美食車啦!今次嘉年華除咗有主角4架美食車外,再加上15個美食booth,一定可以令大家大飽口福呀~


今次美食嘉年華嘅美食車由韓國著名汽車品牌KIA Motors與德國寶廚具(German Pool) 攜手打造出

美食車由輕型貨車所改裝,特色是富有多種車斗設計。今次分別有「電動鷗翼門」及首次亮相的「三摺斗」車斗,設計醒目有型,作為流動美食車,十分注目!

今次美食車嘉年華主要希望可以讓大眾近距離體驗外國街頭美食車的飲食文化之餘,亦可作為日後香港美食車的模範。

講咗咁多美食車資訊,當然要介紹番今次美食車嘉年華啦!


小妹由正門入第一架見到嘅已經係由欣宜主理嘅曲奇美食車啦!

依架美食車除咗有曲奇賣之外,仲有mouth happy即係曲奇雪糕三文治,其中一個Must Try就係四川麻辣雪糕,想知有幾特別真係要親身體驗啦~

小妹就試左其中一款曲奇啦!

海鹽黑朱古力曲奇,入口鹹鹹地,之後就食到朱古力嘅香濃味道。


小妹仲見到欣宜好nice咁為大家送上曲奇添!超係超nice,10個likes!


 第二架見到就係master joe嘅美食車Super Star呀!


Master Joe主理嘅美食車主打係韓風美食。


有韓國年糕、韓式魚蛋、韓式壽司...而且仲有韓國Lemonade,款款都好似好吸引!


小妹就試咗佢地嘅combo,因為每款食物都可以試下呀!

年糕唔算辣,入口非常煙韌!
炸雞算上脆口,加上辣醬,非常惹味~
壽司就味道較清,如果希望食飽飽的話係一個不錯選擇。


第三架就係李燦森嘅BOOMSHACK美食車!


佢地主打美式食物,漢堡、窩夫、炸雞!


相中最大桶嘅就係特製炸雞桶(大),旁邊厚身嘅就係經典美式牛肉漢堡。
前面有醬味係旁邊嘅就係特製芝士炸雞,最後就係香辣蜜糖炸雞窩夫。


小妹就決定要上特製炸雞桶啦!依碟就小桶Size!

炸雞入口香脆無骨,雞肉唔會炸到乾巴巴,沾醬一同食酸酸味味好開胃呀!

入面除咗炸雞仲有炸椒,炸椒微微有少少辣,辣香keep到係口內,但辣得幾過癮!


最後一架美食車就係香港先生黃長興嘅XXL Seafood & Grill...


話明seafood,售買嘅食物當然都係海鮮為主啦!

熱狗、海鮮飯、海鮮小食...有海鮮當然唔少得仲有酒啦!佢地combo set就有杯啤酒,分別有小妹喜歡嘅Stella同hoegaarden添!


佢仲有個special offer like佢地同 älska Facebook page就可以優惠價買到älska飲品添~

介紹完美食車,其實嘉年華內仲有其他booth都有好多美食!


小妹當然都俾長腿美女敏之姐姐嘅Blesscuit 曲奇連蝴蝶酥booth吸引啦!


敏之超nice咁介紹佢地產品呀! 今次仲特別為嘉年華製造出藍龍蝦曲奇添!

佢手上個盒就係曲奇,包裝超靚,食完個盒用黎裝小飾物都幾好!


另一個吸引嘅booth就係主打冰沙同雪條嘅N*ICE POPS!!!
N*ICE POPS雪條係小批量生產並100%採用天然原料手工製成,大部分素食者亦可品嚐得到。


佢地特別在其中兩款雪條係有酒精成份,平日係出面真係好少見呀!


不論雪條或者冰沙都係用新鮮水果製成,多種不同水果mix埋!水果迷一定唔可以錯過呀!


小妹試咗佢地個冰沙加mint topic!!!

味道清淡但超消暑,同時可以refresh一下,刺激到小妹想繼續食野啦!


當然唔少得有Island Bar為大家係解解渴降降溫啦!

啤酒、礦泉水、冰凍檸檬特飲...樣樣都好吸引,行到熱熱地飲杯野降溫一流呀~


場內仲有全球首創打印相片棉花糖-Boomf!想同另一半表達心意,同最愛講出心中話同記錄真貴時刻都可以一一印出黎啦~

華記生果將日本小型西瓜雪冰後把西瓜裡的肉攪碎,加上飲筒,原汁原味製成美味特飲。

仲有好多唔同參展商都會令大家睇到目不暇及呀!


最後會場仲有Asia Miles Booth,為大家邊走邊吃開心賺到里數!

即場申請可以有300里數Bouns,另外攜計步器遊走會場,每累積10步便可獲1「亞洲萬里通」里數做獎勵,唔少得係PMQ搵齊10個Check Point就有300里數送俾大家~

分享咗咁多嘉年華嘅開心事,大家係唔係好想去呢?!

由即日起至5月8日都可以到中環PMQ(元創坊)入場




凡經Timable購票入場者,入場時有機會免費獲得由Hardcore Showroom送出的Wilderness Experience X Food Truck Festival限定索袋。另外,每日亦設量派發,先到先得,送完即止。

想知更多關於美食車嘉年華資訊可以Click 入
HK Food Trunk Festivals Website / HK Food Truck Festival Facebook
文章介紹為個人喜好及用後心得,不同人士各有喜好,體質亦各有不同~
是次產品成分及資料由品牌提供,希望大家會鍾意小妹分享。

小妹仲有其他Blog,FB Page及IG,歡迎大家去睇~

沒有留言:

張貼留言