2016年5月2日 星期一

超貼地價-火鍋vs韓燒?一次過滿足兩個要求@新廣發

小妹向來都喜歡食韓燒但同時又喜歡打邊爐,今次家人就帶咗小妹一次過滿足兩個願意嘅食店啦!


今次家人就帶小妹到荃灣香車街街市嘅新廣發食火鍋同韓燒!

雖然地方唔係光鮮,但係都算上係乾淨,如果有潔癖朋友就唔推薦~

價錢就真係好抵好化算!每位都只係單火鍋只係$80,如果火鍋+韓燒都係$88。

佢地仲有知開爐費,每個只係$85,所以越多人食就越抵啦!


食物款式都算多,而且Refill得好快!


小妹推薦韓燒可以試佢地個雞軟骨,真係醃得味道不錯~


另外佢地仲齊備不同丸類可以選擇,連比較貴嘅丸,例如:芝士丸、龍蝦丸等都有!



當然蔬菜都有,而且都幾新鮮!


飲品就有三個雪櫃選擇,可樂、碧泉、沙士、蘋果汁...
啤酒就要另外點啦!


店員會分開二個爐,一面是火鍋另一邊就係韓燒,火鍋一般都係豬骨湯底!

總結:食物都算係新鮮多款式,味道不差,好適合一大班朋友一齊食。

但環境上就唔係好似酒家、韓燒店一咁,不竟都係街市樓上。


新廣發(荃灣分店):荃灣福來村香車街熟食市埸1樓35號


文章介紹為個人喜好及用後心得,不同人士各有喜好,體質亦各有不同~
是次產品成分及資料由品牌提供,希望大家會鍾意小妹分享。

小妹仲有其他Blog,FB Page及IG,歡迎大家去睇~